Mae’r Adran Amaethyddiaeth, yr Amgylchedd a Materion Gwledig (DAERA) wedi lansio cystadleuaeth recriwtio yr wythnos diwethaf i benodi Cadeirydd a hyd at 9 Aelod i’w Grŵp Cynghori Gwyddoniaeth Lefel Uchel newydd (HLSAG). Bydd y gystadleuaeth yn cau ar 22 Awst 2024 ac mae cyfweliadau wedi’u trefnu ar gyfer Hydref 2024, gyda phenodiadau’n cael eu gwneud yn gynnar yn 2025.
Mae’r HLSAG yn grŵp cynghori gwyddoniaeth arbenigol anstatudol ac nid yw’n Benodiad Cyhoeddus. Bydd cwmpas yr HLSAG yn eang ac yn canolbwyntio’n bennaf ar gyfeiriad strategol tystiolaeth wyddonol DAERA. Bydd yn darparu cyngor strategol trawsbynciol, annibynnol lefel uchel, a her gymesur i ADGP DAERA er mwyn helpu i sicrhau bod y dystiolaeth wyddonol a ddefnyddir wrth ddatblygu a chyflawni polisi DAERA yn berthnasol, yn addas i’r diben ac yn ddiduedd.
Mae DAERA yn chwilio am ystod eang o arbenigedd ar draws ei feysydd diddordeb, gan gynnwys ond heb fod yn gyfyngedig i: gwyddor amaethyddol; gwyddor anifeiliaid; systemau morol, pysgodfeydd a dyfrol; gwyddor planhigion; gwyddorau amgylcheddol naturiol; gwyddor addasu hinsawdd a lliniaru; gwyddorau cymdeithasol; a gwyddor data.
Dysgwch fwy yn: https://www.daera-ni.gov.uk/articles/appointments-daera-high-level-science-advisory-group
